Амма улууһугар буола турар Олоҥхо ыһыаҕар аан бастакытын акка олорон оҕунан ытыы күрэхтэһиитин көрдөрүү буолла. Ураты көрүҥҥэ «Импульс» ат спортивнай кулуубун иитиллээччилэрэ кытыннылар.
Инникитин бу көрүҥү ыһыах спортивнай көрүҥнэрин күрэхтэһиитигэр киллэрэр баҕалаахтар. «Маннык күрэхтэһиилэри түүр-монгуол бөлөх норуоттара ыыталлар. Бүгүн көрдөрүүгэ кыттыыны ыллылар Айна Иванова, Нелли Жеребцова уонна Ярослав Некортович. Оҕолор олус долгуйдулар, биллэн турар долгутуулаах, спорт саҥа көрүҥүн элбэх киһиэхэ көрдөрүү. Инникитин ыһыах спортивнай көрүҥнэригэр киириэҕэ, онно улахан дьон күрэхтэһэр буолуохтара», – диэтэ спорт маастара, оҕунан ытыыга күрэхтэһии салайааччыта Петр Неустроев.
This post was published on 21.06.2024 09:29 09:29