16 Атырдьах ыйа 16.08
  • 14°
  • $ 61,37
  • 62,51

Олоҥхо ыһыаҕа эһиил Өймөкөөн оройуонугар буолуоҕа

Ил Дархан Айсен Николаев сүрүн сайыҥҥы бырааһынньык — Олоҥхо ыһыаҕа — Үөһээ Бүлүүгэ түмүктэммитинэн Саха сирин олохтоохторун эҕэрдэлээтэ. Кини тэрээһини ыыппыт олохтоохторго махтанна.

«Үс күн устата олоҥхону толорууну иһиттибит, култуурунай тэрээһиннэргэ кытынныбыт, спортивнай күрэхтэһиилэри көрдүбүт. Бырааһынньыгы ыыппыт хаһаайыттарга махтаныахпын баҕарабын — үөһээ бүлүүлэргэ ыалдьыттары истиҥник маанылаан көрсүбүккүтүгэр», — диэн суруйда кини бэйэтин Telegram-ханаалыгар.

Маны сэргэ Ил Дархан Айсен Николаев эһиилги Олоҥхо ыһыаҕа Өймөкөөн улууһугар ыытылларын эттэ. Ону туоһулаан ытык бэлиэ — Ытык Дуоҕа — тымныы полюһун олохтоохторугар туттарылынна.

Следите за самым важным и интересным в Telegram-канале и WhatsApp-группе ЯСИА
0
0