29 Тохсунньу 29.01
  • -48°
  • $ 73,82
  • 83,32

Олоҥхо түһүлгэтигэр Дарыбыан Дабыыдап олоҥхото бастыҥ буолла

14:42, 20 марта 2016
Текст:

11-с өрөспүүбүлүкэтээҕи олоҥхону олохтоммут ньыманан толорууга күрэскэ Тааттаттан Раиса Маркова салайааччылаах «Удьурхай» этно-бөлөх кыайда. Дарыбыан Дабыыдап «Тойон Ньургунун» биир тыынынан толорон, Удьурҕай-Таатта түөлбэ олоҥхотун киэҥ араҥаҕа таһааран, бастакы степеннээх лауреат буоллулар.


“Арчы” духуобунас киинэ, Олоҥхо ассоциацията, Кулаковскай аатынан култуура дьиэтин Олоҥхо киинин тэрийиилэринэн ыраах Дьааҥыттан тиийэ Сунтаар, Ньурба, илин эҥэр улуустарыттан, Дьокуускайтан олоҥхо толорооччулара биир сиргэ мустан олоҥхолоон доллоһуттулар.
Тааттаттан Раиса Маркова биллиилээх олоҥхоһут Мария Николаевна Андросова-Ионова “Күл-Күл оҕонньор” уонна “Силлэрикээн эмээхсин” олоҥхолорун толорон, лауреат буолла.
Людмила Цой эмиэ Мария Андросова-Ионова “Үрүҥ Айыы тойон ыччаттара” олоҥхону толорон, “Дохсун тэтимнээх кэскиллээх этээччи” ааты ылла. Ийэ олоҥхоһут Петр Решетников кыыһа Розалия Докторова «Айыы Дьураҕастай» диэн аҕатын олоҥхотун толордо.
Соҕотохтуу толорууга 22 киһи холонно. Кинилэр ортолоругар олоҥхо ыһыахтарыгар гран-при ылбыт Петр Тихонов, Ньурбаттан Василий Иванов-Чиллэ бааллар.
Бөлөҕүнэн толорууга урукку кэмнэргэ өрөспүүбүлүкэ бастыҥнара кэлбиттэр. Бу көрүҥ олус сыралаах, уустук. Бары тэҥҥэ олоҥхо биир тэтимин туталлара ыарахан. Араас таһымнаах толорооччулар холбоһон биир олоҥхону хостонон эрэр курдук толороллор», — диэн тэрээһин кыттыылаахтара этэллэр.

0
0
29 января 29.01
  • -48°
  • $ 73,82
  • 83,32