Олоҥхо толорооччулартан кэлэктиибинэн уонна биирдиилээн 200-тэн тахса сайаапка киирдэ. Научнай-чинчийэр дакылаакка 14 улуустан үлэ баар. Бары «Олоҥхо сирин оҕото» тэрээһиҥҥэ кытталлар.
Кулун тутар 24 — 26 күннэригэр буола турар тэрээһин олоҥхоһут Семен Алексеев – Уустарабыс төрөөбүтэ 125 сылыгар ананар. Ол туһунан регион салалтатын пресс-сулууспата суруйар.
Бэстибээл сыала — оскуола иннинээҕи саастаах уонна оскуола саастаах оҕолорго эпос нэһилиэстибэтин билиһиннэрии уонна тириэрдии. Педагогтар, маастардар, олоҥхону оҕоҕо үөрэтээччилэр уопуттарын тарҕатыы уонна көҕүлээһин буолар.
Тэрийээччилэр бэлиэтииллэринэн, бэстибээл кыттааччыта сылын аайы эбиллэн иһэр, олоҥхону толоруу маастарыстыбата тупсар, география уонна саастарынан састаап кэҥиир.
Бэстибээл 1996 сыллаахтан сааскы каникул кэмигэр буолар.
This post was published on 25.03.2025 16:01 16:01