Благовещенск куоракка ыам ыйын 10-12 күннэригэр кикбоксиҥҥа “Знамя Победы” Уһук Илин единоборства Фестивала ыытылынна. 1941-45 сылларга Аҕа дойду Улуу сэриитигэр Кыайыы 79 сылыгар анаммыт турнирга улуустааҕы “Олимпик” спорт оскуола 4 иитиллээччитэ өрөспүүбүлүкэ сүүмэрдэммит хамаандатыттан кытынна.
Спорт оскуола иитиллээччилэр үс кыһыл көмүс уонна биир боруонса мэтээллэри аҕалбыттарын дириэктэр Юрий Балаганскай этэр. Ол курдук, Авксентьев Тимур, Халдеев Руслан, Захаров Богдан кыһыл көмүстэри, Турантаев Данил боруонсаны ыллылар.
Кикбоксер уолаттары уонна тренердары Дмитрий Черноградскайы, Дмитрий Захаровы Улуу Кыайыыга анаммыт Уһук Илин турнирга ситиһиилээхтик кыттыбыттарынан эҕэрдэлиибит, суруйда @gazetaensieli
