Бүгүн Дьокуускайга олимпийскай чемпион, ССРС спордун үтүөлээх маастара, Россия, ССРС үтүөлээх тренерэ Роман Дмитриев сырдык аатыгар анаммыт норуоттар ардыларынааҕы турнир стартаата. Күрэхтэһиигэ 268 юниор 13 дойдуттан кыттар.
Дмитриев мемориалын көбүөрүгэр 2003–2005 сыллааҕы төрүөх уолаттар Азербайджантан, Арменияттан, Беларусьтан, Грецияттан, Индияттан, Ирантан, Казахстантан, Кыргызстантан, Монголияттан, Узбекистантан, Таджикистантан уонна Молдоваттан кытталлар, итиэннэ Россия 27 регионун бэрэстэбиитэллэрэ, ол иһигэр дойду сүүмэрдэммит хамаандата.
Турнирга аан бастакытын 83 кыыс Россияттан уонна атын дойдулартан кытталлар. Күрэхтэһии кулун тутар 10 — 12 күннэригэр ыытыллар, Дьокуускайга «Триумф» спорт комплексыгар.
Бырагырааманы манна билсиҥ: https://ysia.ru/turnir-pamyati-olimpijskogo-chempiona-romana-dmitrieva-startoval-v-yakutske/
This post was published on 10.03.2023 14:02 14:02