24 От ыйа 24.07
  • 16°
  • $ 87,3
  • 95,46

Олимпиада чөмпүйүөнэ Татьяна Горбунова: "Азия оҕолоро" Оонньуу кыайыылаахтарын наҕараадалыырга хараҕым уутун туттумматым

11:42, 10 июля 2016
Читайте нас на
Яндекс Новости
ЯДВ

Олимпиада чөмпүйүөнэ, художественнай гимнастикаҕа Москватааҕы олимпийскэй бэлэмнэнии киинин салайааччыта Татьяна Горбунова Дьокуускайга иккис төгүлүн кэллэ. Быйылгы Оонньуу урккуттан туох уратылааҕын туһунан кини СИА-ны кытта санаатын үллэһиннэ.


«Мин иитиллээччилэрин быйылгы Оонньууга соччото суохтук кытыннылар. Ол оннугар өссө да дьулуурдаах, дьаныардаах үлэ наадатын дьэҥкэтик өйдөөтүлэр. Дьокуускай уонна Москва бириэмэлэрин араастаһыыта 6 чаас. Ол аата, кинилэр үөрүйэх кэмнэринэн түүн туран дьарыктаннылар. Мантан да атын күрэхтэһиилэр буолуохтара, онно ким да утуйдуҥ дуо диэн ыйытыа суоҕа. Онон, бу үчүгэй уопут», —диир Татьяна Горбунова.

Кини Оонньуу таһыма үрдээн иһэрин бэлиэтиир. Барыта ымпыгар-чымпыгар тиийэ тилэри толкуйдаммытын ыйар.

«Хомсомуол буолуоссатыгар тыыннаах оркестр кыайыылаах дойдутун гимнин оонньоото. Эн дойдуҥ Өрөгөй ырыата ылланара мэлдьи олус долгутуулаах. Мин хараҕым уутун кыайан тохтоппотум. Итини таһынан тренердари эмиэ наҕараадалаабыттара олус сөптөөх. Кыайыы спортсмен эрэ ситиһиитэ буолбатах, кини уһуйааччытын ситиһиитэ, кыайыыта», —диэн Татьяна Горбунова бэлиэтээтэ.

Следите за самым важным и интересным в Telegram-канале и WhatsApp-группе ЯСИА