28 Тохсунньу 28.01
  • -48°
  • $ 73,82
  • 83,32

Ольга Подлужная хомуһа Ярославль куоракка дьүрүһүйдэ

10:38, 08 декабря 2016
Текст:

Ярославскайдааҕы судаарыстыбаннай филармонияҕа Саха сирин хомусчута Ольга Подлужная кэнсиэрэ буолан ааста.


Тэрийээччилэринэн бу куоракка олорор сахалар буоллулар.

Ольга Подлужная – омук тыыннаах муусукатын араас таһымнаах куонкурустарын, фестивалларын муҥутуур кыайыылааҕа, лауреата. Кини хомуһа Казахстан, Кытай, Япония, Норвегия, Франция, Италия, Ливан, Венесуэла, Украина, о.д. элбэх дойдуларга дьүрүһүйдэ.

Кэнсиэргэ «Нур» армяннар диаспораларын ансамбыла, казах общинатын бэрэстэбиитэлэ Махаббат Кожабекова, еврейдэр диаспораларын «Гранд-Позитив» кэлэктиибэ, кавказ «Асса» студиятын үҥкүүһүттэрэ, уо.д.а кытыннылар.

Кэнсиэр чэрчитинэн Ольга Подлужная маастар-кылаас ыытта. Филармония дьиэтигэр Ярославль худуоһунньуга Ирина Солдатова хоту сиргэ анаммыт быыстапката турда.

«Ордук билигин синтетическэй электроннай муусука үгэннээн, киэҥник хабан турар кэмигэр этническэй муусука дьон болҕомтотун ылыан ылар. Манна айылҕа тыыннаах дорҕооно, кыыл-сүөл саҥата-иҥэтэ олус сэргэхтик иһиллэр. Варган – бу биһиги өбүгэлэрбит куоластара», — диэн СИА-ҕа бырайыак ааптара Геннадий Додохов эттэ.

0
0
28 января 28.01
  • -48°
  • $ 73,82
  • 83,32