21 Тохсунньу 21.01
  • -48°
  • $ 73,82
  • 83,32

Олег Сидоров: «Былатыан Ойуунускай» кинигэни суруйуу – интэриэһинэй уонна долгутуулаах

11:52, 25 февраля 2016
Текст:

Москватааҕы «Молодая гвардия» издательство биллэр-көстөр, ааттаах-суоллаах дьон олохторун туһунан кэпсиир кинигэ сериятыгар кулун тутар, муус устар ыйдарга «Былатыан Ойуунускай» кинигэни бэчээттээн таһаарыаҕа. Кинигэ ааптара — суруйааччы, публицист, чинчийээччи уонна ХИФУ филологическай факультетын журналистикаҕа кафедратын сэбиэдиссэйэ Олег Сидоров.

«Молодая гвардия» — дойду бөдөҥ уонна өрдөөҥҥүтэ тэриллибит кинигэ издательствота научнай-популярнай, уус-уран, общественнай-политическай литератураны бэчээттиир. «Жизнь замечательных людей» серия – тэрилтэ муҥутуур улахан киэн туттуута.

Литература: түҥ былыргы Олоҥхоттон саҕалаан революция хоһоонноругар диэри сайдыытын хас да үйэлээх кэрдиис кэмэ, сайдыыта Былатыан Ойуунускай айар үлэтигэр дьэҥкэтик тыктарыллар. Ойуунускай — ойууттар удьуордара, суруйааччы, поэт, саха литературатын эрэ буолбакка, наукатын, үөрэҕириитин, аныгы Саха сирин судаарыстыбаннаһын төрүттээччи.

Ойуунускай төрүөҕүттэн, Сталин репрессиятын кэмнэригэр диэри олоҕун суруйааччы, публицист Олег Сидоров ааҕааччы киэҥ араҥатыгар аан бастаан сэгэтэр”, — диэн издательство официальнай саайтыгар суруллар.

АОСОлег Сидоров — журналистика историятыгар, «Россия-Якутия: Вчерашнее завтра», «От Алексея Кулаковского до Николая Лугинова. Штрихи к портрету якутской культуры», «Дерево Тыгына», «Михаил Николаев. Восхождение. Ступени мужества», «20 лет спустя. Штрихи к портрету эпохи» кинигэлэри суруйбута. Былатыан Ойуунускай туһунан кинигэни суруйуу киниэхэ олус интэриэһинэйин уонна долгутуулааҕын туһунан СИА-ҕа эттэ.

«3-4 ый кинигэ матырыйаалын хомуйууга, издательствоны кытта үлэҕэ барда, 2-3 ый устата суруйдум», —диэтэ Олег Сидоров.

0
0
21 января 21.01
  • -48°
  • $ 73,82
  • 83,32