Өрөспүүбүлүкэ салалтата алтынньы ортотугар диэри Саха сиригэр ойуур уотун умуруорууга кыттыбыт дьоҥҥо уонна техника ороскуотун төлөбүрүн оҥорорго бэлэм.
«Ил Дархан Айсен Николаев ойуур баһаарын умуруорууга кыттыбыт дьоҥҥо уһаппакка төлөбүрү оҥорор туһунан сорудах биэрбитэ. Билигин харчы баар. Оройуоннартан докумуон кэлэрин күүтэбит, төлөбүрү кэмигэр оҥороору», — диэтэ регион вице-премьера Денис Белозеров ЫБМ хамыыһыйа мунньаҕар.
Бу сылга уоту кытта охсуһууга правительство 390 мөл.солк. көрбүтэ. Ити эрээри хас биирдии оройуоҥҥа докумуоннары оҥорууга сыыһалар таһаарыллаллар. Маны сэргэ, туттарыыга хойутааһын баар, ордук Дьааҥы, Ленскэй, Сунтаар оройуоннара «бэлиэтэннилэр».
Онон өрөспүүбүлүкэтээҕи ЫБМ хамыыһыйата тэтими түргэтэргэ сорудахтаахта.
This post was published on 12.09.2019 15:16 15:16