Хоту улуустарга ойуур баһаардарын умулуннарыыга Баатаҕайга кииннээн ойуур харабылын (лесоохрана) салаата тэриллиэ. Бу туһунан Ил Дархан бүгүн суруналыыстары кытары көрсүһүүтүн кэмигэр эттэ.
Ил Дархан быйыл хоту улуустарыгар турбут ойуур баһаардарын умулуннарыыга 800 мөл солкуобай көрүллүбүтүн эттэ.
«Инникитин ойуур харабылын үлэһиттэрин ахсааннарын элбэтэргэ үлэлэһиэхтээхпит. Бырабыыталыстыбаҕа туһаайан 2021 сылга хоту улуустарга авиадесантниктар ахсааннарын элбэтэри эппитим», — диэтэ Айсен Николаев.
Ил Дархан Баатаҕайга ойуур харабылын үлэһиттэригэр бааза тэриллиэн эттэ. Онно десантниктар үлэлиэхтэрин, оччотугар уоту умулуннарыы түргэтиэн эттэ.
This post was published on 22.12.2020 13:01 13:01