Волонтердары кытары үлэлиир киин ойуур баһаардарын билсэргэ төлөпүөн нүөмэрдэрин олохтоото. Бу туһунан СӨ нэһилиэнньэ олоҕор куттал суох буолуутун кэмитиэтин бэрэссэдээтэлэ Дмитрий Лепчиков Инстаграмҥа быһа тахсыытын кэмигэр иһитиннэрдэ.
«Өрөспүүбүлүкэ олохтоохторо ойуур баһаардарыгар көмөлөһөр баҕалара үрдүк. Араас көмөнү оҥороллор. Ол иһин волонтердары кытары үлэлиир киин 50-88-92 эбэтэр +7914-824-75-06 төлөпүөн нүөмэрдэринэн олохтоото. Мантан инньэ ити нүөмэрдэргэ эрийэн, баһаардар тустарынан билсиэххэ, көмө оҥоруохха сөп», — диэтэ кини.
Билигин ойуур баһаардарыгар 2 100 киһи, 290 тиэхиникэ үлэлиир.
