Ойуур баһаара Сунтаар, Ньурба, Томпо, Мэҥэ Хаҥалас, Нам, Кэбээйи улуустарыгар сылгы баазаларын, күрүөнү-хаһааны былдьаата. 464 туонна кур оту, 730 гектар бааһынаны, 3000 гектар мэччирэҥ сири сиэтэ. Бу туһунан тыа хаһаайыстыбатын министиэристибэтигэр сигэнэн edersaas.ru суруйар.
Амма, Бүлүү, Горнай, Кэбээйи, Мэҥэ Хаҥалас, Нам, Ньурба, Өймөкөөн, Өлүөхүмэ, Сунтаар, Таатта, Томпо, Уус Алдан, Хаҥалас уонна Чурапчы улуустара ыраах учаастактарынан оттуур мобильнай биригээдэлэри тэрийэн, оттуур сирдэри быһаарса сылдьаллар. Кинилэр барыта холбоон 33 тыһыынча 627 туонна оту оттуур соруктаахтар. Бу сыалга өрөспүүбүлүкэ быйылгы сыллаах бүддьүөтүттэн 34 мөл. солк көрүлүннэ.
This post was published on 28.07.2021 15:01 15:01