3 От ыйа 03.07
  • -7°
  • $ 104,68
  • 115,6

Ойуур баһаара кутталы үөскэтэр нэһилиэктэрин ахсаанын элбэттилэр

Саха сирин салалтата өрөспүүбүлүкэни ойуур баһаарыттан харыстыыр дьаһаллары олохтоото. Ол курдук, ойуур баһаара кутталы үөскэтэр нэһилиэнньэлээх пууннар испииһэктэрин – 334- тэн 475-кэ диэри элбэттилэр, диэн СИА-ҕа өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрэр.

Испииһэккэ ойуур тулалаах бары дэриэбинэлэр, бөһүөлэктэр уонна куораттар киирдилэр. Ол аата бу сирдэри көмүскээһиҥҥэ ураты болҕомтону ууруохтара. Нэһилиэнньэлээх пууннарга баһаар турар түгэнигэр, иһитиннэрэр-биллэрэр систиэмэлэр, минерализованнай балаһалар уонна баһаары сэрэтэр дэлби тэптэриилэр саҥардыллыахтаахтар, муниципалитеттар эрдэттэн анаан үп ууруохтаахтар.

Баһаартан сэрэхтээх сиргэ турар оҕо чэбдигирэр лааҕырдарын, сибэкки, оҕуруот аһын үүннэрэр чааһынай хаһаайыстыбалар испииһэктэрин эмиэ саҥаттылар. Былырыын маннык тэрилтэлэр 51 эбит буоллахтарына, 2022 сылга 123 буолбуттар.

Маны сэргэ, регион бырабыыталыстыбатын уурааҕынан нэһилиэнньэлээх пууннары харыстааһыҥҥа өрөспүүбүлүкэ биэдэмистибэлэригэр уонна муниципалитеттарга чопчу сорудахтар бэрилиннилэр.

Ойуур баһаара куттал үөскэппэтин туһугар тэрээһиннэри барытын Арассыыйа ЫБМ кылаабынай салалтата дьаһайыаҕа.

Следите за самым важным и интересным в Telegram-канале и WhatsApp-группе ЯСИА
0
0