Көрсүһүүгэ олохтоохтор тыын боппуруостарын туруорустулар, киирбит этиилэринэн боротокуол оҥоһулунна.
Дүллүкү нэһилиэгин баһылыга Иван Ан оҕо саадын, балыыһаны, 83 ыалы сылааһынан хааччыйар хочуолунай тутуутун туһунан тыл көтөхпүтүгэр, миниистир 5 мөл. солк. көрүлүннэҕинэ, хочуолунай тутуллар кыахтааҕын эттэ. Маныаха баһылык үп боппуруоһугар күүскэ үлэлэһиэх буолла.
Көрсүһүү кэнниттэн Никита Бугулов миниистири толору хааччыллыылаах алаһа дьиэтигэр ыалдьыттатта. «Хас биирдии нэһилиэккэ маннык дьиэлэр элбии турдуннар», — диэн санаатын үллэһиннэ миниистир Алексей Колодезников.
Олохтоохтор миниистир олус таһаарыылаахтык үлэлээн барда диэн сыаналаатылар.
