ОДьКХ өрөмүөннүүр бырагырааматынан сыл аайы хочуоллары, сүрүн уонна көмө тэриллэри, ону тэҥэ инженернэй-техническэй ситимнэри уларытар, өрөмүөннүүр.
«2026-2027 сыллардааҕы оттук сезонугар бэлэмнэниини тохтоппот уонна Арктическай уонна ыарахан нэһилиэнньэлээх пууннарга производственнай-техническэй салаа матырыйаалларын кэмигэр тиэрдэр сыалтан, 2026 сыллааҕы өрөмүөннүүр бырагыраама былаана былырыын сэтинньигэ бигэргэтиллибитэ. Кыһыҥҥы суол аһыллыаҕыттан техническэй бородууксуйаны биһиги производственнай филиалларбытыгар тиэрдии саҕаланна», — диэн тэрилтэ генеральнай дириэктэрэ Виталий Чикачев бэлиэтээтэ.
Эрдэттэн былаан быһыытынан, өрөмүөн хампаанньатын чэрчитинэн, оттук ыккардыларынааҕы кэмҥэ 75 хочуолу, 79 носуос уонна “тягодутьевой” оборудованиены уларытыы барыахтаах. 47 км-тан тахса уһуннаах инженернэй ситимнэри саҥардыы былааннанар.
Тохсунньу ортотуттан өрөмүөн дьаһалларын ыытаары «Коммункомплектация» филиалтан Анаабыр, Булуҥ, Дьааҥы, Эдьигээн, Өлөөн оройуоннарыгар техническэй матырыйаал уочаратынан ыытылынна. Бу нэдиэлэҕэ техническэй аналлаах бородууксуйалаах массыыналар илин эҥээр оройуоннарыгар айаннаатылар, диэн тэрилтэ пресс-сулууспата иһитиннэрэр.
