Бэрэссэдээтэл Василий Ефимов уонна сүүмэрдэммит хамаанда кылаабынай тренерэ Михаил Филатов сыл түмүктэрин таһаардылар, былааннары билиһиннэрдилэр.
«Биһиэхэ саҥа көрүҥ баар буолла — сыала суох классика оҕунан ытыы. Манна биһиги спортсменнарбыт Александр Дьяконов уонна Ньургустаана Сидорова үчүгэй түмүктэри көрдөрдүлэр. Онон кинилэр бу кылааска Россия хамаандатыгар киирдилэр уонна Монтенегро Гран-при норуоттар ардыларынааҕы күрэхтэһиигэ кытыннылар», — диэтэ Михаил Филатов.
«Чемпионаттары уонна бастыыр иһин күрэхтэһиилэри улуустарга ыытар былааннаахпыт, миэстэлэринэн спорт бу көрүҥүн сайыннарар сыалтан. 2023 сылга Чурапчыга ыыппыппыт, быйыл — Горнайга уонна Хаҥаласка. 2025 сылга эмиэ оройуоҥҥа буолуоҕа. Саҥаттан саҥа улууһу арыйан иһиэхпит. Сайаапкалары күүтэбит», — диэтэ кылаабынай тренер.
This post was published on 28.12.2024 14:20 14:20