Сарсыарда ыам ыйын 15 күнүгэр Горнай, Хаҥалас, Амма, Чурапчы улуустарыгар Росгидромет Як-40 сөмөлүөт-зондировщига үлэлээтэ. Ойуур баһаарын суох оҥорор сыалтан анал тэрилинэн оҥоһуу ардаҕы түһэрэр. Ол туһунан быыһыыр сулууспа начаалынньыгын салайааччыта Вадим Шадрин «Актуальное интервью» бырагыраамаҕа «Якутия 24» телеханаалга кэпсээтэ.
Шадрин эппитинэн, ыам ыйын 16 күнүгэр исписэлиистэр өссө биир зондировщигы бэлэмнииллэр — «Полярные авиалинии» авиахампаанньа Ан-26 «Атмосфера» сөмөлүөтэ.
«Былаан оҥордубут. Үлэни сүрүннээн киин улуустарга, илин эҥэргэ, Бүлүү бөлөххө саҕалыахпыт. Хоту эмиэ тиийиэхпит, балаһыанньаттан көрөн», — диэтэ салайааччы.
Сөмөлүөт-зондировщиктар Саха сиригэр 2022 сылтан үлэлииллэр.
Сиһилии манна ааҕыҥ.
This post was published on 15.05.2025 16:15 16:15