21 От ыйа 21.07
  • 22°
  • $ 88,02
  • 96,04

Оҕону балконтан бырахпыт дьахтар сууттанна

20:39, 03 июля 2018
Текст:
Читайте нас на
Яндекс Новости
ЯДВ

Бу быһылаан былырыын күһүн Дьокуускай куоракка буолбута. Суут быһаарбытынан, 2017 сыл балаҕан ыйын 23 күнүгэр 50-ча саастаах дьахтар дьиэтигэр билэр дьахтарыныын арыгы иһэ олорбуттар. Онуоха ыалдьыт дьахтар 5 саастаах уола дьиэтигэр бараары хаппырыыстаабыт.


Ону сөбүлээминэ, оҕо кыҥкыйдыырыгар мэһэйдэтэн, хаһаайка оҕону көтөҕөн ылан, куукуна балконугар тахсыбыт уонна бордюр быыһынан иккис этээстэн аллараа бырахпыт.

Оҕо эрэйдээх сиргэ үлтү түһүөҕүн, сэппэрээктэр баар буоланнар, сымнаҕастык түһэн, этэ-сиинэ көҕөрбүт, дьолго, улахан эчэйиилэри ылбатах.

Кэлин силиэдэбэтэллэр быһаарбыттарынан, «иирээки» дьахтар оҕону 6 м 50 см үрдүктэн бырахпыт эбит.

Дьахтар оҥорбут буруйун билиммэтэх, «өлөрөр санаам суоҕа, оонньуу сылдьан алҕас туттубутум» диэбит. Ол да буоллар, буруйа суут мунньаҕар толору дакаастаммыт.

Суут кинини күлүгээнниир санааттан, кыра саастаах оҕону өлөрөргө сорунууга буруйдааҕынан билинэн, 7 сылга көҥүлэ быһары усулуобунайынан ааҕан, 5 сыл тургутар болдьоххо, онно эбии 1 сыл 6 ыйга көҥүлүн хааччахтыырга уурбут.

Оҕо ийэтэ административнай миэрэҕэ тардыллыбыт.

Бу туһунан РФ Силиэстийэлиир кэмитиэтин Саха сиринээҕи управлениета иһитиннэрдэ.

СИА.

Следите за самым важным и интересным в Telegram-канале и WhatsApp-группе ЯСИА