Бүгүн «Биир ньыгыл Арассыыйа» баартыйаны өйүүр уопсастыбаннай ыстаап Дьокуускай куоракка баар «Радуга» оҕо лааҕырыгар «Zащитники Родины» диэн ааттаах эр санааланыы уруогун ыыттылар.
Бу тэрээһин сыалынан – оонньуу-көр эрэ буолбакка, ыччат ортотугар патриотизмы сайыннарыы буолар. Оҕолор олус көхтөөхтүк кытыннылар уонна дьон кэпсиирин болҕойон иһиттилэр. Кинилэр чуолаан, Калашников аптамааты ыһыыны-хомуйууну сэргээтилэр, оҕолор бэйэлэрэ боруобаланан, тутан-хабан көрдүлэр.
Бүгүн оҕолор аармыйаҕа сулууспалааһын уонна дойдуну көмүскээһин улахан суолталааҕын өйдөөтүлэр уонна сыаналаатылар. Кинилэр бэйэлэрин дьиҥнээх дьоруойдар курдук сананнылар, байыаннай тиэхиньикэ туһунан элбэҕи биллилэр.
Ааптар: Сайаана Львова, Саха сирэ
