«Рособрнадзор» тэрилтэ баһылыга Анзор Музаев иһитиннэрбитинэн, оскуоланы бүтэрээччи портфолиота үрдүк үөрэххэ киирэригэр Биир кэлим эксээмэни солбуйуон сөп, суруйар «Реальное время».
Музаев этэринэн, оскуола үөрэнээччилэрэ 6-с кылаастан саҕалаан, бэйэлэрин ситиһиилэрин туһунан сибидиэтэлистибэлэри хомуйан барыахтара. Волонтердааһыҥҥа, спортка, айар үлэҕэ баалларын ааҕыныахтара. Бу кинилэр үрдүк үөрэххэ киириилэригэр быраабы биэриэҕэ. Салайааччы эппитинэн, билигин портфолио оҥостуутунан 9 — 11 кылаас оҕолоро дьарыктаналлар.
Музаев эбэн эппитинэн, маннык идеяны биэдэмистибэҕэ дьүүллэһэллэр уонна инникилээх диэн бэлиэтииллэр.
Сэтинньигэ Россия сэлиэстийэлиир кэмитиэтин салайааччыта Александр Бастрыкин БКЭ-ни суох оҥорор уонна сэбиэскэй кэмнээҕи үөрэх систиэмэтин киллэрэр туһунан эппитэ. «Рособрнадзорга» кини тылларын комментарийдаатылар уонна чопчу этиилэри күүтэллэрин иһитиннэрдилэр.
This post was published on 16.12.2021 13:01 13:01