СӨ Үөрэх уонна наука министиэристибэтэ Оҕо саас сылын логотибын толкуйдуурга куонкуруһу биллэрдэ. Сүрүн бириис — 50 тыһыынча солкуобай.
Оҕо саас сылын логотиба аныгы, ураты уонна өйдөнүмтүө буолуохтаах диэн сыаллаах-соруктаах. Бастыҥ үлэни таланнар, тэрийээччилэр информационнай-рекламнай бородууксуйаларга, интэриниэккэ тарҕанар сонуннарга туһаныахтара.
Куонкуруска юридическай сирэйдэр, РФ гражданина дьон, айар кэлэктииптэр кыттыахтарын сөп. Сааһынан хааччаҕа суох. Итиэннэ идэтийбит дизайнердар, худуоһунньуктар, реставратордар уо.д.а. эмиэ кыттыахтарын сөп.
Сүрүн тэрийээччи — «Юные якутяне» өрөспүүбүлүкэтээҕи ресурснай киин. Сайаапкалары бу сыл тохсунньу 20 күнүгэр диэри goddetstva@mail.ru электроннай аадырыска күүтэллэр.
Куонкурус туһунан сиһилии манна ааҕыҥ.
This post was published on 11.01.2024 15:01 15:01