28 Тохсунньу 28.01
  • -48°
  • $ 73,82
  • 83,32

Оҕо саадыгар японецтар ыалдьыттаатылар

17:15, 19 мая 2016

Өрөспүүбүлүкэҕэ оҕону билии-көрүү аартыгар сирдээһин үлэтэ тиһиктээхтик ыытыллар. СӨ үөрэҕи сайыннарар уонна идэни үрдэтэр институту (ИРОиПК) салайар Лена Троева көҕүлээһининэн былырыыҥҥыттан өрөспүүбүлүкэ үрдүнэн оҕо саадтарыгар аналлаах «Азия дойдуларын оонньуулара уонна оонньуурдара» диэн бырайыак тэриллэн үлэлиир.


Бырайыак чэрчитинэн оҕо саадтара талан ылбыт дойдуларын тустарынан үөрэтэллэр. Бэҕэһээ Дьокуускай куорат 39-с нүөмэрдээх «Остуоруйа дойдута» оҕо саадыгар Японияттан кэлбит устудьуоннар ыалдьыттаатылар. Бу туһунан методист  Людмила Винокурова сырдатта.IMG-20160518-WA0103

«Оҕолор атын дойдулар олохторун-дьаһахтарын туһунан билэ улааталларыгар улахан болҕомто ууруллар. Ол чэрчитинэн биһиги Япония култууратын күнүн тэрийдибит. ХИФУ ФЛФ үһүс кууруһугар Японияттан кэлэн үөрэнэ сылдьар Окабэ Юго, Накано Икуо ыҥырыылаах ыалдьыттарбытынан буоллулар. Кинилэр тылбаасчыт көмөтүнэн кырачааннарга дойдуларын туһунан сырдаттылар, оҕоҕо аналлаах сурунааллар тустарынан кэпсээтилэр, оонньуулары үөрэттилэр», — диир Людмила Михайловна.IMG-20160518-WA0098

Кырачааннар ыалдьыттарын «Солнечные зайчики», «Мир Диснея», «Сир симэхтэрэ», «Изумрудный город» группаларынан ыҥыран төрөппүттэрин кытта оҥорбут үлэлэрин көрдөрдүлэр. Ыалдьыттар Япония туһунан уруһуйдары, пластилинтан оҥоһуктары, куукулалары японецтар курдук таҥыннарбыттарын, веердэри, о.д.а. көрөн үөрдүлэр, хайҕаатылар. Кумааҕы туруйалары бэлэх ылан улаханнык долгуйдулар. Көрсүһүү түмүгэр бары дьоппуон омук тылынан ыллаатылар.IMG-20160518-WA0080

Төрөппүттэр сонун тэрээһинтэн улаханнык астыннылар, көрсүһүүнү тэрийбит оҕо саадын сэбиэдиссэйигэр Надежда Андрееваҕа, методист Людмила Винокуроваҕа, оҕо саадын кэллэктиибигэр махтаннылар.

0
0
28 января 28.01
  • -48°
  • $ 73,82
  • 83,32