Нуучча дуобатыгар өрөспүүбүлүкэ чемпионата кулун тутар 12-14 күннэригэр ыытыллыаҕа. Бу туһунан СӨ спордун министиэристибэтин пресс-сулууспата иһитиннэрэр.
Саха сирин чемпионата Дьокуускайга саахымат-дуобат киинигэр ыытыллар. Оонньуулар Швейцария систиэмэтинэн ыытыллыахтара, үс күн иһигэр барыта тоҕус тур оонньонуоҕа.
«Чемпионакка 30-ча спортсмен кыттара былааннанар», — диэн иһитиннэриигэ суруллар.
Гроссмейстердар уонна спортсменнар Матрена Ноговицына, Андрей Федотов, Николай Стручков, Наталья Шестакова, Николай Гермогенов уонна Ньургуйаана Азарова кытталлара күүтүллэр.
This post was published on 12.03.2021 10:06 10:06