Чаппанда нэһилиэгэр, Сымыска (536 га) уонна Харыйалаахха (1092 га), бэс ыйын 23 уонна 24 күннэригэр турбут ойуур баһаардара холбоспуттарын түмүгэр таҕыста. Бу баһаардары умуруорууга Федеральнай ДПС 62 үлэһитэ, 1 спецтехника үлэлииллэр, суруйар https://www.instagram.com/alexey_innokent/
Баһаардары умуруоруу кытыыларынан эмиэ ыытыллар. Табыгаһа суох күн-дьыл усулуобуйаларыттан уонна үрдүк тас температураттан Чаппандаҕа Сымыска уонна Харыйалаахха ойуур салгыы умайар.
Бэс ыйын 28 күнүгэр киэһээ 18 ч. 50 мүн. «Ньурба-Хампах» ВЛ-35 кВ электроэнергияны чɵлүгэр түһэрэ 9 киһилээх уонна 1 тыраахтырдаах саахалы туоратар биригээдэ миэстэтигэр тахсыбыта.
Ньурбатааҕы РЭС ОДГ диспетчерэ Дорофеев В.Е. биллэрбитинэн, бэс ыйын 29 күнүгэр сарсыарда 07 ч. 15 мүн. 165, 168№ уот ситимин тирэхтэрин быстах кэмҥэ чɵлүгэр түһэрэргэ уонна 167№ уот ситимин тирэҕин ɵрɵмүɵннээһиҥҥэ үлэлэр ыытыллыбыттар.
Бэс ыйын 29 күнүгэр сарсыарда 11 ч. 00 мүн. туругунан, ойуур баһаарын түмүгэр алдьаммыт 8 уот тирэхтэриттэн 3-һэ быстах кэмҥэ оҥоһуллубут, саахалы туоратар-чɵлүгэр түһэрэр үлэлэргэ эбии 7 киһи кыттыспыт. Уопсайа 14 киһи, 1 тыраахтыр, 1 квадроцикл.
Бэс ыйын 30 күнүгэр түүн 00 ч. 00 мүн. уот ситимигэр тахсыбыт саахал туоратыллар, уота суох хаалбыт бары нэһилиэнньэлээх пууннар уокка холбоноллор.
