24 Ыам ыйа 24.05
  • -7°
  • $ 104,68
  • 115,6

Ньурбалар Кытай норуотуттан дьаҥтан харыстанар мааскалары туттулар

Уонтан тахса сыл анараа өттүгэр Ньурба улууһа уонна КНӨ Цзямусы куората истиҥ сыһыаны олохтообуттара. Коронавирус дьаҥын кэмигэр улуус дьоно Кытай норуотуттан харыстанар мааскалары туттулар.


Ньурба улууһугар Кытайтан 20 000 устуука биирдэ кэтиллэр ыарыыттан харыстанар медицинскэй мааска кэллэ. Уонтан тахса сыллааҕыта олохтоммут доҕордуу сыһыан биир холобура буолла.

«Ыраах сиртэн кэлэр айаныгар көмөлөспүт Саха сирин Тас дойдуну кытта сыһыаннаһыыларын министиэристибэтигэр, Хабаровскай куоракка өрөспүүбүлүкэ бэрэстэбиитэлистибэтин үлэhиттэригэр Ньурба улууһун олохтоохторун ааттарыттан махтанабыт«, — диэтэ улуус баһылыга Алексей Иннокентьев.

Мааскалары медицинэ үлэһиттэригэр, обсерватордарга, изолятордарга сытар дьоҥҥо тириэрдэллэр диэн Ньурба оройуонун дьаһалтатын инстаграм-сирэйигэр суруйдулар.

Следите за самым важным и интересным в Telegram-канале и WhatsApp-группе ЯСИА
0
0