Атырдьах ыйын 19 күнүгэр Түүкээн үрэххэ Саха сирин Быыһыыр сулууспаларын үлэһиттэрэ спиннингынан балыктааһыны тэрийдилэр. Быйыл Саха сиригэр быыһыыр сулууспа тэриллибитэ 30 сыла бэлиэтэнэр. Үбүлүөйдээх сыл чэрчитинэн ыаллыы сытар Сунтаар, Бүлүү уонна Ньурба оройуоннарын быыһыыр этэрээттэриттэн 19 киһи балыктааһын күрэҕэр көрүстүлэр. 20 гр диэри ыйааһыннаах блеснаны ыраах быраҕыы, элбэх балыгы хаптарыы, воздушканан сыал ытыы көрүңнэригэр, ону таһынан «Саамай улахан-кыра балык», «Бастакы балык» номинацияларга күрэхтэһии түмүгүнэн кыайыылаахтар грамоталарынан, мэтээллэринэн уонна СӨ Быыһыыр сулууспатын идэлээх сойууһа туруорбут сыаналаах бириистэринэн наҕараадаланнылар.
Огни Нюрбы
