Ньурба улууһугар ойуур баһаардарыттан эмсэҕэлээбиттэри ааҕаллар. Анал хамыыһыйа Күндээдэҕэ, Ньурбачааҥҥа, Маарга, Хаҥаласка уонна Үөдэйгэ үлэлээтэ. Бу туһунан https://www.instagram.com/p/CRDsTjhguKH/ суруйар.
Ойуур баһаардарыттан ордук Хаҥалас нэһилиэгин олохтоохторо эмсэҕэлээбиттэр. Манна 38 ыал 551,5 куб.м оттук маһын, 224 туонна кэбиһиилээх отун уонна 40,9 га оттуур ходуһатын уокка былдьаппыт.
Ньурбачааҥҥа — 21 ыал уопсайа 240 куб.м оттук маһын, 63,2 туонна отун, 8040 м күрүөтүн былдьаппыт.
Маарга — 10 ыал. Манна 73 куб.м оттук мас, 9 туонна от, 42,4 га оттуур ходуһа;
Үөдэйгэ 6 ыал, 6 куб.м оттук мас, 5 туонна от уонна 15 га оттуур ходуһа;
Күндээдэҕэ икки ыал, 60 куб.м оттук мас, 2,1 туонна кэбиһиллибит от былдьаммыт.
Хамыыһыйа үлэтин түмүгүнэн эмсэҕэлээбит ыалга төһө көмө оҥоһулларын быһаарыахтара.
