Сыллааҕы үүт былаана улууска – 3893 туонна, бу ааспыт сыллааҕар 100-тэн тахса туоннанан элбэх. Быйыл үүт туттарааччы ахсаана арыый элбээбитэ бэлиэтэннэ. Үүт харчытын 23% кэлбит. Сыл саҥатыттан 196,2 туонна үүт тутулунна. 64,2 туонна бэлэм аһылык оҥоһулунна уонна 59,1 туонна атыыланна.
Бүгүҥҥү туругунан улуус үрдүнэн 11835 ынах сүөһү уонна 10301 сылгы кыстаан турар, ол иһигэр 1357 ынах төрөөтө, бу ааспыт сыллааҕар арыый элбэх. Итини таһынан 56 биэ төрөөтө. Кыстыкка 9256 туонна от, 1190 туонна сиилэс, 182 туонна уотурба уонна 51 туонна зернофураж хаалла, суруйда Геннадий Антонов «Ньурба» хаһыат МАХ-ханаалыгар.
