Ньурба айылҕа харыстабылын уопсастыбыннай инспектора Виссарион Николаев ааспыт нэдиэлэҕэ субуотунньуктары тэрийэн ыытта. Волонтердар урукку пилорама территориятын уонна Ньурба аэропордун таһыгар бөҕү хомуйдулар.
Саха сирин экологияҕа министиэристибэтэ иһитиннэрэринэн, эргэ пилорама территориятын хомуйууга тоҕус МТЗ- 82 тыраахтар уонна биир массыына үлэҕэ тардылынна. Барыта 100 бирисиэп эргэ дуоска хомулунна.
Оттон аэропорт көтөр-түһэр балаһатын таһыгар көҥүлэ суох быраҕыллыбыт бөҕү хомуйдулар. Мантан биэс грузовой массыына бөҕү сыбаалкаҕа тиэйдилэр.
This post was published on 16.10.2023 15:06 15:06