29 Кулун тутар 29.03
  • -14°
  • $ 92,26
  • 99,71

Ньурба оройуонун Маар оскуолатыгар яблонялары олортулар

18:01, 24 мая 2021
Текст:
Читайте нас на
Яндекс Новости
ЯДВ

Маар орто оскуолата 90 сыллаах үбүлүөйүгэр анаан, бүтэһик чуораан кэмигэр быйылгы выпускниктар оскуола садыгар яблоня мастарын олортулар. Ол туһунан «Юла» медиакиин салайааччыта Туяра Никитина иһитиннэрэр.


Яблоня олордуутугар выпускниктар Фадей Неустроев, Сергей Степанов, физкультура учуутала, сад үүнээйитинэн сөбүлээн дьарыктанар «Цветущий яблоневый сад» бырайыак ааптара Афанасий Семёнов, выпускниктар учууталлара Туяра Гуляева, Нюргуяна Егорова кытыннылар.

Быйыл оскуола үбүлүөйдээх сылыгар «Кыайыы» садыгар яблонялары бэлэх уунан олордуу буоларын туһунан «Цветущий яблоневый сад» бырайыак ааптара Афанасий Семёнов этэр.

— Тохсунньу ыйга СӨ Үөрэҕириитин министиэристибэтэ «Юные якутяне» ресурснай киини кытары «Стандарт благоустройства образовательных учреждений РС(Я)» бырайыак оҥороннор, олоххо киллэрбиттэригэр, биһиги бастакынан киэҥ далааһыннаах тэрээһиҥҥэ кыттыбыппытынан киэн туттабыт, — диэн кини санаатын үллэһиннэ.

Эрдэ бэлэмнэниллибит дьаамаларга выпускниктар яблонялары олортулар уонна өрөспүүбүлүкэ оскуолаларын оҕолоро оскуолаларын тупсаран оҥорууга кытталларыгар ыҥырдылар.

Яблоняларга бириэмэтигэр уу кутуу, көрүү-харайыы, сыыс отун үргээһин түргэнник ситэригэр күүс буоларын туһунан оҕолор этэллэр, суруйда Антонина Семенова https://www.instagram.com/gazeta_nyurba_ogni_nyurbu/

Следите за самым важным и интересным в Telegram-канале и WhatsApp-группе ЯСИА