Ньурбаҕа уу ыраастыыр ыстаансыйа арылынна. Эбийиэк хаачыстыбалаах иһэр уунан тоҕус тыһыынчаттан тахса киһини хааччыйыаҕа. Ол туһунан бырабыыталыстыба бастакы вице-премьера Дмитрий Садовников телеграм-ханаалыгар суруйда.
«Ньурбалары эҕэрдэлиибин, күүтүүлээх, кэтэһиилээх ыстаансыйаҕыт үлэтин саҕалаабытыгар. Саҥа дьылга бу олус үчүгэй бэлэх», — диэтэ Садовников.
Ыстаансыйа «Чистая вода» бырагырааманан «Жилье и городская среда» национальнай бырайыагынан тутулунна. Үбүлээһинэ 533 мөл солк федеральнайдааҕы уонна өрөспүүбүлүкэтээҕи бюджеттартан көрүлүннэ.
Оҥорон таһаарыыта сууккаҕа 1200 кубометр ыраас уу.
This post was published on 27.12.2024 14:02 14:02