Ньурба ойуурун хаһаайыстыбатын үлэһиттэрэ «Өйдөбүнньүк саада» бүтүн Россиятааҕы экологическай тэрээһиҥҥэ көхтөөхтүк кытыннылар. Учаастактааҕы ойуур үлэһитэ Христина Алексеева уонна ойууру харыстыыр инженер Айталина Дьячковская Ньурба 3 № — дээх алын сүһүөх оскуолатын үөрэнээччилэригэр үөрэх тэрилтэтин көҕөрдүү тэрээһинин тэрийдилэр. Бу туһунан экологияҕа министиэристибэ иһитиннэрэр.
Аахсыйа Аҕа Дойду Улуу сэриитин сылларыгар олохторун толук уурбуттар тустарынан өйдөбүлү харыстааһыҥҥа уонна төрөөбүт дойдубут экологическай чэгиэн буолуутугар кылаатын уурууга туһуланар. Ойуур хаһаайыстыбатын сотрудниктарын салалтатынан эдэр экологтар оскуола таһынааҕы учаастакка А.Г. Габышев искибиэригэр мас олортулар.
Бииргэ үлэлээһин оскуола сирин-уотун тупсарыыга эрэ көмөлөспөккө, үүнэр көлүөнэ айылҕаҕа харыстабыллаах сыһыаннаһарыгар улахан суолталаах уруок буолла. Ойуур хаһаайыстыбатын үлэһиттэрэ оҕолорго ойууру чөлүгэр түһэрии суолтатын кэпсээтилэр уонна үгүс сылларга чэчирии үүнэр маһы хайдах сөпкө олордору көрдөрдүлэр.
