Ньурба куоратыгар Экология сылын чэрчитинэн туһата суох тимир тобохторун бириэстээн саҕалаатылар. Удамыр кыамталаах, көһө сылдьан үлэлиир кыахтаах тэрил Татарстаантан ылыллыбыт. Бу туһунан СИА «Ньурба. Огни Нюрбы» хаһыакка сигэнэн, суруйар.
Удамыр кыамталаах, көһө сылдьар кыахтаах оборудование 3 мөл. кэриҥэ харчыга Татарстантан ылыллан, Ньурбаҕа бэс ыйыгар кэлбит. Куорат хаһаайыстыбатын эксплуатациялыыр тэрилтэ (СЭГХ) үлэһиттэрэ тэрили үлэлэтэргэ миэстэтигэр баран үөрэммиттэр.
Билигин быраҕыллыбыт тимир тобохторун СЭГХ базатыгар тиэйэн аҕаланнар, эрбэтэн баран бириэстии сылдьаллар. Бастатан туран, Ньурба пуордун таһыгар уонна Ыраах
Убайааҥҥа мунньуллубут тимири бүтэрэр сорук турар.
Күҥҥэ ортотунан 3-4 массыынаны бириэскэ батар гына кэрчиктээн, 130 киилэҕэ тиийэ блоктары бириэстээн таһаараллар. СЭГХ үлэһиттэрэ саҥа үлэ көрүҥүн толору баһылаан, күҥҥэ оҥорон таһаарыыны үрдэтэр былааннаахтар.
Өр сылларга мунньуллубут, туһаттан тахсыбыт массыыналар кузовтарын, араас кыра тимир-туһах сыбаалкаларын ортотунан 5 сылынан ыраастыыр сорук ылыммыттарын туһунан куорат баһылыга Александр Иванов этэр.
Сиһилии манна билис https://www.instagram.com/p/CRvPFUyAKit/
