Ньурба куоратыгар сатыы испит киһини, айаннаан иһэр массыына дэҥнээн, бу киһи балыыһаҕа киирдэ диэн СИА иһитиннэрэр.
«Балаҕан ыйын 28 күн күнүс, Тойота-Королла массыынатын суоппара суол кытыытынан сатыы хааман испит киһиэхэ баран түспүт», — диэн Саха сиринээҕи ГИБДД сулууспатыгар кэпсээтилэр.
Ол түмүгэр сатыы испит эмээхсин Ньурбатааҕы киин балыыһа хирургическай отделениетыгар киирбит.
Суоппар арыгы испэтэх, кутталтан харыстыыр курун иилинэн олорбут, 35 сыл суоппар ыстаастаах.
Суол быһылааныгар бэрэбиэркэ ыытыллар.
This post was published on 30.09.2022 16:03 16:03