Ньурба көтөр фабрикатыгар эбии 7,4 мөл. солк. комбикорм атыылаһарыгар диэн биэриэхтэрэ. Маннык быһаарыыны Саха сирин экономикатын туруктаахтык сайыннарар оперштаб мунньаҕын түмүгүнэн ылылыннылар, диэн СИА кэпсиир.
Саха сирин тыатын хаһаайыстыбатын миниистирин бастакы солбуйааччы Петр Попов иһитиннэрбитинэн, быйыл Ньурба көтөр фабрикатыгар 57 мөл. солк. көмө оҥоһулунна, ол гынан баран, комбикорм сыаната үрдээһиниттэн, 7,4 мөл. солк. эбии үбүлээһин наадата үөскээтэ. Бүгүн өрөспүүбүлүкэ баһылыга Айсен Николаев салалтатынан экономика бигэ туруктаахтык сайдарыгар оперштаб мунньаҕа буолан ааста, ол түмүгэр Ньурбатааҕы көтөр фабрикатыгар эбии үбү аныыр туһунан быһаарыы ылылынна.
«Өрөспүүбүлүкэ бөдөҥ хаһаайыстыбалара 2015 сылтан сыл аайы маннык көмөнү ылаллар, ол түмүгэр дьон сымыыты удамыр сыанаҕа атыылаһаллар», — диэтэ Попов.
