24 От ыйа 24.07
  • 28°
  • $ 87,3
  • 95,46

«Ньурба көмүс күһүнэ» ыҥырар

15:00, 09 сентября 2016
Читайте нас на
Яндекс Новости
ЯДВ

Балаҕан ыйын 10-11 күннэригэр «Ньурба көмүс күһүнүгэр» ыраахтан-чугастан элбэх ыалдьыт мустуоҕа. Ол курдук, саха бастакы бэйээт дьахтара Варвара Потапова төрөөбүтэ 75 сылыгар, суруйааччы, драматург Иннокентий Дмитриев-Сиэн Чолбодук төрөөбүтэ 85 сылыгар, бэйээт, прозаик Прокопий Чуукаар 75 сааһыгар, бэйээт, прозаик, чинчийээччи Ахмед Дмитриев 65 сааһыгар ананар «Ньурба күһүнэ»   ыытыллыаҕа.


Балаҕан ыйын 10 күнүгэр Убайаан с. Варвара Потапова түмэл-уһаайбатыгар кини аатыгар сүгүрүйүөхтэрэ. Бу күн Ньурбачаан с. Сиэн Чолбодук төрөөбүтэ 85 сылын бэлиэтиэхтэрэ. Онтон Дьиикимдэҕэ Дьөттүн алааһыгар прозаик, очеркист Степан Федотов уһаайбатыгар бэйээт-кыргыттар аллеяларыгар ыалдьыттыахтара. Ону сэргэ манна Прокопий Чуукаар био-библиографическай ыйынньыгын сүрэхтэниитэ буолуоҕа.

Киэһэ Ньурбатааҕы судаарыстыбаннай көһө сылдьар драматическай тыйаатыр «Ньурба көмүс күһүнэ» литэрэтиирэ улахан киэһэтин иилээн-саҕалаан ыытыаҕа.

Иккис күн, балаҕан ыйын 10 күнүгэр, Олоҥхо дьиэтигэр бэйээт, прозаик Ахмед Дмитриев 65 сааһыгар аналлаах биэчэргэ «Күөх Ньурба төрүттэрэ» кинигэни сүрэхтиэхтэрэ.

Онон, икки күн күөх Ньурба туонатыгар айар тыл соноругар кэлэн, элбэх киһи ыалдыттыаҕа.

Следите за самым важным и интересным в Telegram-канале и WhatsApp-группе ЯСИА