30 Сэтинньи 30.11
  • -5°
  • $ 71,88
  • 83,09

Ньурба Хаҥалаһыгар 100 төбө сүөһү турар хотоно кыстыкка бэлэм

13:01, 14 октября
Текст:

Хаҥалас – Ньурба улууһун кырдьаҕас нэһилиэктэриттэн биирдэстэрэ буолар, 1720 сыллаахха төрүттэммит. Кэлиҥҥи биэрэпис түмүгүнэн киһитин ахсаана 608. Тыа хаһаайыстыбатын сыла биллэриллэн, үлэ барар. 

«Хаҥалас нэһилиэгэ» МТ баһылыга Серафим Винокуров, «Артыал» СЖПОК бэрэссэдээтэлэ Сардана Григорьева тыа хаһаайыстыбатыгар сыһыаннаан туох-ханнык үлэ барарын, инники былааннарын туһунан кэпсээтилэр. Уһунча сайылыгар сырыттыбыт, Хаҥалас нэһилиэгэр тимир уустарыгар аналлаах пааматынньыгы көрдүбүт, олохтоох кэпэрэтиип үлэтин туһунан билистибит.

Сайын устата олохтоохтортон үүтү «Артыал» кээпэрэтиип бэйэтэ хомуйан собуокка сүөгэй, арыы оҥорон нэһилиэнньэ сакааһынан бородууксуйатын батарар. Маны сэргэ, бааһынай хаһаайыстыба тэринэн үлэлиир Альберт Герасимов 15 туонна үүтү туттарыыга дуогабардаспытыттан, 14 т 200 л үүтү туттарбыт.

Сайылык сирин сөргүтэн, үлэһиттэр олороллоругар аналлаах икки саҥа дьиэ тутуллубут. 100 төбө турар хотоно кыстыкка бэлэм. 17 кэтэх хаһаайыстыбалар, кэпэрэтииби кытары холбоон 105 туонна үүтү туттарыыга дуогабар түһэрсиллибититтэн, 90 туонната туттарыллыбыт.

Сүөһү ахсаанын элбэтэр сыалтан, чааһынайдартан кэтэх сүөһүлэрин көрөргө ылсан үлэлииллэр.
Быйыл окко былаан 1400 туонна, билиҥҥи туругунан 1326 туонна от бэлэмнэммит. Кэпэрэтиип оскуоланы кытары кыттыһан 150 т оту оттообуттар. Ордубут отторун, 50-ча туоннаны, Чуукаар нэһилиэгэр атыылаабыттар.

Хаҥалас олоҕун-дьаһаҕын Ньурба улууһун баһылыгын I-кы cолбуйааччы Артур Яковлев билистэ, суруйар Антонина Семенова.

0
0
30 ноября 30.11
  • -5°
  • $ 71,88
  • 83,09