27 Тохсунньу 27.01
  • -48°
  • $ 73,82
  • 83,32

"Ньурба доктора" бырагырааманы ОМС-тар сэҥээрдилэр

15:52, 10 марта 2016
Текст:

Ньурба улууһугар эбээһээтилинэй медицинскэй страхование (ОМС) территориятааҕы Фондатын биригээдэтэ кэлэн үлэлээтэ. Киин балыыһа исписэлиистэригэр тэрийэр-методическай уонна практическай көмөнү оҥордулар, отделениеларга, поликлиникаҕа сылдьан үлэни-хамнаһы кытта билистилэр, медицинскэй докумуоннары, ОМС полистарын биэрэр пууннары бэрэбиэркэлээтилэр, сүбэ семинары ыыттылар.


Биригээдэ салайааччыта, территориятааҕы Фонда дириэктэрин солбуйааччы Борис Борисов маннык кэпсээтэ: «Тэрилтэбит өрөспүүбүлүкэ 109 балыыһатын медицинскэй страховкалааһын үбүнэн хааччыйар. Быйыл бюджеккэ 23 млрд. кэриҥэ солк. бигэргэтилиннэ. Ньурба Киин балыыһата ОМС ситимигэр үлэлээбитэ ыраатта. 2016 с. бырагырааматыгар 477 мөл. солк. үбүлэннэ. Ааспыт сылга 469 мөл.солк. этэ. Эмчиттэр хаачыстыбалаах уонна дьоҥҥо тиийимтиэ медицинскэй өҥөнү оҥордохторуна, ити харчыны барытын биһигиттэн ылаллар. Биһиги поликлиниканы, стационардары, «Суһал көмө» сулууспатын барыларын үбүлүүбүт. Эми, аһылыгы, коммунальнай өҥөнү, аренданы, сибээһи, дьиэ-уот харайыытын, техперсонал, эмчиттэр хамнастарын барытын».

Делегация улууска хааччыллыы, оҥоһуллар медицинскэй көмө хаачыстыбатын экспертизатын түмүктэрэ үчүгэйдэрин бэлиэтээтэ. «Нэһилиэнньэттэн үҥсүү суоҕун кэриэтэ. Кэм ирдэбилинэн ыарыһахтар каарталарын электроннайынан оҥорууга көһүүнү тэтимирдэн биэриҥ диэн этиилээхпит. Учаастактар балыыһалара интернет мөлтөҕүттэн сылтаан реестргэ киириилэрэ, хамнас тиийиитэ бытаарыан сөп курдук эбит диэн көрдүбүт», — диэтилэр.

Маны сэргэ улуус баһылыга Борис Попов «Ньурба доктора» бырагырааманы олоххо киллэрэн, улуус бюджетыттан 1-дии мөл. солк. көрөн, каадырынан хааччылыы боппуруоһа балачча тупсубутун бэлиэтээтилэр. Билигин 11 эдэр быраас кэлэн үлэлии сылдьар.

0
0
27 января 27.01
  • -48°
  • $ 73,82
  • 83,32