24 От ыйа 24.07
  • 28°
  • $ 87,3
  • 95,46

Ньурба дьиэ кэргэнэ өрөспүүбүлүкэтээҕи спортивнай күрэх кыайыылааҕа буолла

16:48, 29 декабря 2018
Текст:
Читайте нас на
Яндекс Новости
ЯДВ

Ааһан эрэр сыл түмүктэниэн аҕай иннинэ «Аҕам, ийэм уонна мин — спортивнай дьиэ кэргэн» өрөспүүбүлүкэтээҕи күрэх ыытылынна. Ньурбаттан Михаил Константинович, Ольга Анатольевна Булкиннар дьиэ кэргэннэрэ кыыстарынаан Авелиналыын улуустарын чиэһин чиэстээхтик көмүскээтилэр. Аҕыс хамаандаттан кыайыылаах буоллулар. 


Дьокуускайдааҕы куорат иһинээҕи  национальнай гимназияҕа ыытыллыбыт «Аҕам, ийэм уонна мин — спортивнай дьиэ кэргэн» күрэхтэһиигэ Саха сириттэн аҕыс күүстээх хамаандалар кытыннылар. Тыҥааһыннаах киирсии түмүгүнэн Булкиннар дьиэ кэргэннэрэ бастаннар, Уһук Хотугу региоҥҥа Сахаларын сирин аатыттан кыттарга мэктиэлэннилэр. Бу күрэхтэһиигэ Ньурба оройуонуттан «Светлячок», Ньурбачаан «Сайдыы» оҕо саадын тириэньэрдэрэ уонна физическэй култуура инструктора Аксинья Семеновна Григорьева,  Степан Гаврильевич Сидоров кыттыыны ыллылар.

Булкиннар дьиэ кэргэннэрин кылгастык билиһиннэрэр буоллахха, ыал аҕата  Михаил Константинович Ньурбатааҕы 26 №-дээх ОГПС баһаарынай сулууспа салайааччыта. Ыал ийэтэ Ольга Анатольевна улуустааҕы үөрэҕирии управлениетын  уопсай үөрэхтээһин уонна хаачыстыбаны хонтуруоллуур отдел кылаабынай исписэлииһэ. Кыыстара Авелина  5 саастаах «Светлячок» оҕо саадын иитиллээччитэ.

Ольга Анатольевна  этэринэн, бу иннинэ  сэтинньи ыйга Ньурбаҕа «Аҕам, ийэм  уонна мин -спортивнай дьиэ кэргэн» куорат иһинээҕи оҕо саадтара  кыттыылаах  оройуон таһымнаах күрэххэ дьиэ кэргэнинэн кыттаннар бастаабыттар. Онтон сэтинньи 30 күнүгэр  «Аҕам, ийэм уонна мин -спортивнай дьиэ кэргэн» өрөспүүбүлүкэ таһымнаах оройуоннааҕы күрэххэ 16 хамаандаттан  бастааннар, өрөспүүбүлүкэҕэ  кыттар  чиэстэммиттэр.

Ааптар: Антонина СЕМЕНОВА

Следите за самым важным и интересным в Telegram-канале и WhatsApp-группе ЯСИА