1 Алтынньы 01.10
  • -1°
  • $ 55,3
  • 52,74

Ньурба аэропордугар сөмөлүөт көтөр-түһэр балаһата ардахтан алдьанна

Ньурба куорат аэропордугар ардах түмүгэр сөмөлүөт көтөр-түһэр балаһата алдьанна. Порт дириэктэрэ Абдумажид Максудов этэринэн, бүгүн үлэ регламенын быһыытынан тэрилтэҕэ өрөбүл күн, онон рейстэри тохтоппотулар.

«Чахчы, ГВПП суола алдьанна, аэродром сабылынна. Биһиги күн аайы сарсыарда көтөр усулуобуйаны бэрэбиэркэлиибит. Бүгүн биһиэхэ өрөбүл күн буолан рейстэри уһулбатыбыт.  Ол гынан баран, сарсын быһыы-майгы тупсара саарбах, онон официальнай быһаарыы сарсыарда ылыллыа», — диэтэ Максудов.

Ньурба куорат аэропордугар онлайн-табло расписаниетынан, сарсын Дьокуускай —Ньурба —Дьокуускай хайысханан «Полярные авиалинии» авиахампаанньа рейсэ былааннаммыт.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар