Ньурбаҕа ууну ыраастыыр ыстаансыйа тутуллар

СӨ ОДьКХ миниистирэ В.П.Емельянов, коммунальнай комплекс департаменын салайааччыта А.Е.Кирсанов, ГУП ЖКХ салайааччытын солбуйааччыта Л.К.Соров Ньурбаҕа үлэлээтилэр.

Ньурба куоратыгар тутулла турар ууну ыраастыыр ыстаансыйа тутуутун хаамыытын билистилэр уонна 5,6 км кэриҥэ уу ситимнэрин өрөмүөнү эрэйэр учаастактарын кэрийэн көрдүлэр.

Ол кэннэ улуус дьаһалтатын мунньахтыыр саалатыгар тутуу хаамыытын дьүүллэстилэр.

Мунньах түмүгүнэн ОДьКХ, Ньурбатааҕы тутуу управлениета, «Сибтранстрой» ХЭТ, «Якутпроект» турбут боппуруостары быһаарарга сорудах ыллылар, суруйда улуус дьаһалтатын пресс-сулууспата, @gazetanyurba