18 Тохсунньу 18.01
  • -48°
  • $ 73,82
  • 83,32

Ньурбаҕа сааскы-сайыҥҥы кэмҥэ бэлэмнэнии үлэлэр

13:08, 15 апреля 2016
Текст:

Муус устар 12 күнүгэр Ньурба аэропордун баһаарынай чааҺын полигоныгар аэропорт быыҺыыр-аварийнай хамаандатын үөрэҕэ буолан ааста. Үөрэх биир сүрүн сыалынан саахалга түбэспит самолекка быыҺыыр үлэлэри ыытыы буолар. Сүрүн болҕомто саахалламмыт самолеттан эчэйбит пассажирдары таҺаарыы, самолет салонун иҺигэр уот салгыы барбатын туҺугар үлэ ыытылынна.


БаҺаарынай массыыналар «саахал буолбут» сиригэр кэлиилэрэ, лафетнай стволлартан уоту умуруорар састаабы биэрии нормативка эппиэттиир. Аэропорт медицинскэй расчета Киин балыыҺа (эппиэттээх сирэй кылаабынай бырааҺы солбуйааччы Павлова Н.Н.) үлэҺиттэрин кытта эчэйбит пассажирдарга маҥнайгы медицинскэй көмөнү оҥордулар, онтон түргэн көмө массыынатынан стационарнай балыыҺаҕа илтилэр. Аэропорт быыҺыыр-аварийнай хамаандатын чилиэннэрэ эчэйбит дьоҥҥо маҥнайгы медицинскэй көмөнү оҥорорго өссө төгүл көрөн үөрэннилэр. Бу сырыыга аэропорт медицинскэй расчетун салайааччыта фельдшер Анисимова В.Н. атаҕа тостубут уонна сирэйин уокка сиэппит пассажирдарга көмөнү хайдах оҥорорго үөрэттэ уонна көрдөрдө.

аньурб

Манна аналлаах миэстэҕэ уот уматыллан аэропорт үлэҺиттэрэ бэйэлэрэ илиилэринэн тутан огнетушителлэринэн уоту умуруорууга үөрэннилэр. Кинилэргэ уот барар түбэлтэтигэр огнетушителлэринэн хайдах туттарга аэропорт баҺаарынай чааҺын үлэҺиттэрэ сүбэ-ама, ыйыы-кэрдии биэрдилэр.

Аэропорт баҺаарынай чааҺын үлэҺиттэрэ ыксаллаах балаҺыанньаҕа аналлаах бензорезтэринэн самолет фюзеляҺын эрбэтэн пассажирдар тахсалларыгар кыах биэрэргэ тренировка ыыттылар.

Үөрэниилэр кэннилэриттэн быыҺыыр-аварийнай хамаанда чилиэннэрэ бу үөрэххэ баар сыыҺалар-халтылар, инники турар соруктар тустарынан миэстэлэригэр дьүүллэстилэр. Бу үөрэх сааскы уонна сайыҥҥы кэмҥэ үөрэтии, бэлэмнэнии чэрчитинэн ыытылынна.

0
0
Тутаах тыллар
18 января 18.01
  • -48°
  • $ 73,82
  • 83,32