61 сыл анараа өртүгэр өрөспүүбүлүкэҕэ бокса оскуолата үүнэн-сайдан тахсарыгар Ньурбатааҕы ДЮСШ сүрүн тирэх буолбута. Бу улуустан Сахабыт сирин чиэһин Арассыыйа киэҥ дуолугар көмүскээбит, саханы Европа, аан дойду чемпионатыгар аар саарга аатырдыбыт, хас да көлүөнэ тирии бэрчээккэ маастардара, сутуруктарын күүһүнэн араас омук дьонун харса суох самнарбыт бокса чаҕылхай сулустара тахсыбыттара.
Кик боксиҥҥа аан дойду бастакы чемпиона, СССР үс төгүллээх чемпиона Александр Иванов, тайскай боксаҕа аан дойду чемпиона Дмитрий Ушканов, Арассыыйа 6 төгүллээх чемпиона, Европа 3 төгүллээх чемпиона, Олимпийскай оонньуу боруонса призера Георгий Балакшин о.д.а. бары Ньурбаттан төрүттээхтэр.
Тыа сиригэр сөбүлүүр дьарыктарыгар бэриниилээх талааннаах тренердэр Алексей Софронов, Герасим Быдыгыев, ону таһынан Георгий Балакшины эрчийэн таһаарбыт Артур Пахомов о.д.а. үлэлээннэр, бокса Ньурбаттан аан дойду таһымыгар эрэллээхтик тахсыбыта.
Историяҕа киирбит РСДЮСШ эдэр көлүөнэ иитиллээччилэрин кытта кэпсэтээри дьарыктанар сирдэригэр Антоновкаҕа кыргыттары эмиэ боксаҕа дьарыктыыллар эбит.
This post was published on 03.07.2018 20:47 20:47