Ньурбаҕа кырдьаҕастар уонна инбэлииттэр улуустар икки ардыларынааҕы интернат-дьиэлэригэр СӨ судаарыстыбаннай деятелэ, Саха Өрөспүүбүлүкэтин, Абый, Муома, Горнай, Ньурба улуустарын бочуоттаах олохтооҕо В.А.Петрова төрөөбүтэ 80 сылыгар уонна интернат-дьиэ аһыллыбыта 20 сылыгар аналлаах мемориальнай дуоска аһылынна.
Үөрүүлээх дьаһалга СӨ бырабыыталыстыбатын бэрэссэдээтэлин бастакы солбуйааччы э.т. Юрий Куприянов, СӨ үлэҕэ уонна социальнай сайдыыга миниистирэ Александр Дружинин, СӨ Судаарыстыбаннай Мунньаҕын (Ил Түмэн) депутаттара Владимир Прокопьев, Антонина Григорьева, Иннокентий Васильев, Марфа Филиппова, Ньурба улууһун баһылыга Борис Попов уо.д.а. кытыннылар.
Интернат-дьиэ тэриллибитэ 20 сылынан үгүс үлэһиттэр бочуотунай грамоталары уонна наҕараадалары туттулар. Кинилэр ортолоругар Маргарита Никоалаева, Нелли Семенова, Вера Корнилова, Виктория Григорьева бааллар.
Бырааһынньык интернат-дьиэҕэ бэриллибит Сахсаахаан сайылыкка салҕанна.
