Ньурба улууһун «Күндээдэ» агрофирмата бу сайын нэһилиэнньэҕэ 80 ньирэйи босхо биэриэҕэ. Бу туһунан https://www.instagram.com/p/CRD_DWPAVz6/ суруйар.
Былырыын, 2020 сыл сайын «Ньурба оройуона» МТ дьаһалтата олохтоох бүддьүөттэн үп-харчы кɵрɵн, МТС «Агро Нюрба» уонна «Күндээдэ» агрофирма салалталарын кытта сүбэлэһэн баран, кыра дохуоттаах олохтоох дьону ɵйүүр сыаллаах саҥа тɵрүɵхтэн 212 ньирэйи нэһилиэнньэҕэ түҥэтэр туһунан дьаһалы таһаарбыта.
Ньурба улууһун элбэх оҕолоох ыалларыгар, матырыйаалынай ɵттүнэн ыарахан балаһыанньаҕа түбэспит дьоҥҥо уонна сүөһү ииттиэн баҕалаах эдэр ыалларга бу бачыым үтүɵнэн эрэ дьайбыта. Анаалыстааһын көрдөрөрүнэн, түҥэтиллибит ньирэйдэр 75 бырыһыаннара кэтэх хаһаайыстыбаларга иитиллэн, сүɵһү тɵрдɵ буолан тураллар, ити олус үчүгэй.
Быйыл сайын эмиэ, от ыйын 8 күнүттэн «Күндээдэ» агрофирма (генеральнай директор Алексеев А.П.) маннык кɵмɵнү салгыы оҥоруоҕа. Нэһилиэктэр сайаапкаларынан 80 тɵбɵ ньирэйи, ол иһигэр 40 тыһы уонна 40 оҕус ньирэйдэри, нэһилиэнньэҕэ оройуон бүддьүөтүн суотугар босхо түҥэтиэҕэ.
This post was published on 12.07.2021 17:30 17:30