25 От ыйа 25.07
  • 21°
  • $ 86,55
  • 94,38

Ньурбаҕа "Байар" кэпэрэтиип 2016 сылга 3978 тонна үүтү тутуоҕа

13:44, 17 марта 2016
Текст:
Читайте нас на
Яндекс Новости
ЯДВ

Кэпэрэтиип кылаабынай инженерэ Михаил Гурьев кэпсииринэн, быйылгы былаан быһыытынан улуус үрдүнэн 4703 туонна үүт тутуллуохтаах. Күндээдэни ааҕан туран. Ол иһигэр «Байар» бэйэтин былаана — 3978 туонна. Арыы уопсай былаана — 132 туонна.


Быйылгыттан саҕалаан, «Күндээдэ» ААУо туспа соҕотуопка тэрилтэтэ буолан, «Влада» ХЭТ диэни тэриннэ. Бэйэлэрэ туспа контрактация дуогабарын баттаһаллар, туспа квитанция таһаараллар. Онон улууска икки соҕуотуопка тэрилтэтэ баар буолла.

Күндээдэттэн ураты бары нэһилиэктэр собуоттара уонна пууннара биһиэхэ киирэллэр, — диир Михаил Владимирович. — Күн бүгүн Хорула уонна Марха собуоттара үлэлии тураллар. Үөдэй, Маар уонна Акана собуоттарын уонна пууннарын саҥа астыбыт. Роспотребнадзор тэрилтэтин кытта график быһыытынан, кинилэр көҥүллэринэн объектары көрөн тута сылдьабыт. Бу ыйга бары нэһилиэктэргэ собуоттар үлэлэрин саҕалыахтаахтар. Ньурба куораттан, «Ньурба-Агро» МТС-тан, «Сиибиктэ» бааһынай хаһаайыстыбаттан уонна Ньурбачаантан күнүн аайы 800 киилэ кэриҥэ үүт киирэр. Итини таһынан тыаларбыт күҥҥэ 100-тэн тахсалыы киилэ үүтү туттараллар. Ону барытын хомуйан Мархаҕа таһааран астатабыт. Тиэйии-таһыы ороскуота кырата суох эрээри, кыһалҕаттан быстах кэмҥэ маннык дьаһанабыт. Оҕо тэрилтэлэрин уонна кырдьаҕастар уонна инбэлииттэрт дьиэлэрин дуогабарынан хааччыйа олоробут. Кыһын ынах үүтэ аҕыйаабыт кэмигэр, бородууксуйабыт аҕыйыы сырытта. Билигин төрүөх саҕаланан, үүт аһылык маҕаһыыннарга баар буолла.

Кулун тутар 8 күнүнээҕи туругунан, 124,1 туонна үүт тутулунна. 69,9 туонна ыаммыт үүттэн бородууксуйа уонна 2,7 туонна арыы оҥоһулунна.

Ыспыраапка:

2015 с. түмүгүнэн кэпэрэтиип улуус үрдүнэн 4771 т үүт туппут, онон былаан 101,5 % туолбут. Сыл устата 1652 т ыаммыт үүтүнэн бородууксуйа уонна 128,8 т арыы оҥоһуллубут. Билигин үүт аһылыгы Мархаҕа уонна Хаҥаласка оҥоро тураллар.

Следите за самым важным и интересным в Telegram-канале и WhatsApp-группе ЯСИА