Ньурба улууһун Үөдэй нэһилиэгин «Айылгы» кулууп үлэһиттэрэ олус туһалаах тэрээһини тэрийдилэр, НВК Саха телеграм-ханаал суруйар.
Ол курдук, аҕалар түмсүүлэрин салайар Айаал Аммосов оскуолаҕа үөрэнэр уолаттарга төрүт булт албастарын, сиргэ сылдьыы сиэрин-туомун билиһиннэрдэ.
Тыаҕа илдьэ тахсан кыылы суоллуурга уонна да атын үгэс буолбут булт үөрүйэхтэрин кэпсээтэ. Уолаттар пневматическэй саанан сыал ытарга холонон көрдүлэр.
Оҕолор батыһа сылдьан барытын сэргии иһиттилэр, көрдүлэр.
