29 Кулун тутар 29.03
  • -12°
  • $ 92,26
  • 99,71

Ньурбаҕа 3 тыһыынча миэстэлээх стадион тутуллуоҕа

Читайте нас на
Яндекс Новости
ЯДВ

Ил Дархан Айсен Николаев Ньурба улууһугар  оробуочай сырыытын кэмигэр,  IX Спортивнай оонньуулары тэрийэр кэмитиэт мунньаҕын ыытта. Спортивнай күрэхтэһиигэ бэлэмнэнии  туһунан вице-премьер Сергей Местников дакылааттаата.

Сергей Местников иһитиннэрбитинэн, оонньуулар бырагыраамаларыгар 15 көрүҥ киирбит. Оонньууга бэлэмнэнии иитинэн 3 тыһыынча миэстэлээх стадион, бассейннаах физкультурнай-чэбдигирдэр комплекс тутуллуохтаахтар. Икки эбийиэк бырайыага, сметатын докумуоннара оҥоһуллубуттар.  Барыллааһын быһыытынан, бассейннаах комплексы тутууга федеральнай үп тардыллыахтаах.

РФ Успуордун министиэристибэтигэр хос үбүлээһиҥҥэ сайаапка ыытыллыбыт. Улуус баһылыга Алексей Иннокентьев  оонньуулар чэрчилэринэн социальнай эбийиэктэр эмиэ тутуллуохтаахтар диэн эттэ. Ол курдук, балыыһа комплекса, Ньурбаҕа 550 миэстэлээх оскуола,  Антоновкаҕа оҕо саада. Оонньуулары биэс нэһилиэнньэлээх пууннарынан ыытар былааннаахтар. Онон Чаппандаҕа  спортивнай сааланы тутууну былааҥҥа киллэрэргэ ыйда.

Сүбэ мунньах түмүгүнэн Ил Дархан: «Үгэс быһыытынан маннык улахан күрэхтэһиилэри ыытыы улуус сайдыытыгар төһүү күүһүнэн буолар,  Аҥаардас спортивнай тутуулары ыытыыга болҕомто эрэ уурбакка, инфраструктураны барытын сайыннарыыга үлэ ыытыллыахтаах.  Улахан тэрээһин буолара  биэс сыл баар. Ол гынан баран биэс сыл олус түргэнник ааһыаҕа. Онон билиҥҥиттэн бэлэмнэниллиэхтээх», — диэтэ.

Источник: © edersaas.ru сайт

Следите за самым важным и интересным в Telegram-канале и WhatsApp-группе ЯСИА