Нуорматтан таһынан муус халыҥа түөрт өрүс учаастактарыгар бэлиэтэннэ

Хаартыска: ЯСИА саайта

Саха сирин өрүстэригэр, кулун тутар 10 күнүнээҕи туругунан, муус халыҥа сүрүннээн орто көрдөрүүттэн 5-55 см намыһах. Нуорматтан таһынан 2-14 см Өлүөнэ, Алдан, Бүлүү уонна Халыма эбэлэр учаастактарыгар бэлиэтэнэр. Ол туһунан ЯУГМС иһитиннэрдэ.

Пеледуй, Өлүөхүмэ, Покровскай, Сангаар, Батамай уонна Зырянка Орто Халыма ардыларынааҕы учаастактарга муус халыҥ диэн иһитиннэриигэ суруллар.

Өлүөнэҕэ муус халыҥа 60 — 170 см. Алдан, Амма, Бүлүү — 55 — 140 см. Хотугулуу-илин өрүстэргэ — 80 — 140 см. Кулун тутар бастакы декадатыгар эбиллии Дьааҥы Адыаччытыгар Уус-Чаркы гидропост таһыгар бэлиэтэнэр.

This post was published on 12.03.2024 14:01 14:01